കിളിമാനൂര്‍: പുളിമാത്ത് എല്‍.പി.എസിലെ ഹെഡ്മിസ്ട്രസ് സചേത ടീച്ചറെ പുളിമാത്ത് ഗ്രാമ പഞ്ചായത്തും, പൂര്‍വ വിദ്യാത്ഥികളും ചേര്‍ന്ന് ആദരിച്ചു. ഐ.എസ്.ഒ. നേടിയെടുത്ത് മികവിന്റെ നിറവിലെത്തിക്കാന്‍ പ്രയത്നിച്ചതിനാണ്‌ ആദരവ്. യോഗം ബി. സത്യന്‍ എം.എല്‍.എ ഉദ്ഘാടനം ചെയ്തു.
സ്കൂളിനെ ഐ.എസ്.ഒ സര്‍ട്ടിഫിക്കറ്റ് കരസ്ഥമാക്കാന്‍ പ്രയത്നിച്ച്‌ അത് നേടി തരുകയും അതു വഴി നാടിന്റെയും സ്കൂളിന്റെയും യശസ്സുയര്‍ത്തിയ ടീച്ചറുടെ പ്രവര്‍ത്തനം മാതൃകാപരമാണന്ന് എം.എല്‍.എ. പറഞ്ഞു. പഞ്ചായത്ത് പ്രസിഡന്റ് ബി. വിഷ്ണു അദ്ധ്യക്ഷനായി. വി. ബിനു വത്സലകുമാര്‍, ജയകുമാര്‍ എന്നിവര്‍ പങ്കെടുത്തു.
