ആര്യനാട് : പറണ്ടോട് ബൗണ്ടർമുക്ക് തമ്പുരാൻ നരസിംഹമൂർത്തി ക്ഷേത്രത്തിലെ പഞ്ചലോഹ വിഗ്രഹം മോഷ്ടിച്ചയാൾ നെടുമങ്ങാട് ഡി.വൈ എസ്.പി സെപഷൽ ടീമിന്റെ പിടിയിലായി.
പറണ്ടോട് പുറുത്തിപ്പാറ കോളനിയിൽ കറുമ്പൻ മോഹനൻ(62)ആണ് അറസ്റ്റിലായത്. ഇക്കഴിഞ്ഞ മൂന്നാം തീയതി ക്ഷേത്രത്തിലെ പഞ്ചലോഹ വിഗ്രഹങ്ങളുടെ കൂട്ടത്തിലുണ്ടായിരുന്ന പഞ്ചലോഹത്തിലുള്ള അയ്യപ്പ വിഗ്രഹം ഇയാൾ മോഷ്ടിച്ചത്. തുടർന്ന് മോഹനൻ വിഗ്രഹം വിൽക്കാൻ ശ്രമിക്കുന്നതിനിടയിൽ പിടിയിലാകുകയായിരുന്നു. വിഗ്രഹവും ഇയാളിൽ നിന്നും കണ്ടെടുത്തു.
പ്രതിയെ ആര്യനാട് പൊലീസിന് കൈ മാറുകയും ശേഷം പ്രതിയെ കോടതിയിൽ ഹാജരാക്കി റിമാന്റ് ചെയ്തു.
