ഇന്നലെ രാത്രി 9 മണിയോടെയാണ് സംഭവം. മൂന്നു പേരെയും തന്ത്രപൂർവം നാട്ടുകാർ ചേർന്ന് പിടികൂടി പൊലീസിൽ ഏൽപ്പിച്ചത്. അരുണിനെയും മറ്റൊരു യുവാവിനെയും നാട്ടുകാർ നേരിട്ട് പിടികൂടി പൊലീസിന് കൈമാറി, പിന്നീട് മൂന്നാമത്തെയാളെ അരമണിക്കൂറിനുള്ളിൽ പൊലീസ് പിടികൂടുകയായിരുന്നു.
പ്രതികൾ ഇൻസ്റ്റാഗ്രാം വഴി ആലമുക്ക് സ്വദേശി ഷാജി എന്ന തേങ്ങവെട്ടുകാരനെയാണ് ലക്ഷ്യമിട്ടത്. യുവതിയായി നടിച്ച് സോഷ്യൽ മീഡിയയിലൂടെ പരിചയം തുടങ്ങുകയും, തുടർന്ന് സ്ത്രീ ശബ്ദത്തിൽ ഫോൺ വിളിക്കുകയും ചെയ്തു. പോക്സോ കേസിൽ ജാമ്യത്തിലായിരുന്ന ഷാജി, മറുവശത്ത് യഥാർത്ഥത്തിലൊരു യുവതിയാണെന്ന് വിശ്വസിച്ച്, ദിവസങ്ങളോളം വിളിക്കുകയും ജൂൺ 1 മുതൽ 18 വരെ ₹16,600 വരെ പണമിടപാട് നടത്തുകയും ചെയ്തു.
പണം അയക്കാൻ വൈകിയതോടെ, സംഘം ഷാജിയുടെ ഭാര്യയുടെ ഫോൺ നമ്പർ കണ്ടെത്തി. പിന്നീട് ഭർത്താവായ ഷാജി തന്റെ സഹോദരിയെ പീഡിപ്പിച്ചു എന്ന വ്യാജ ആരോപണവും, പണം കൊടുക്കാത്ത പക്ഷം പൊലീസിൽ പരാതി നൽകുമെന്നും ഭീഷണിയും നടത്തി. ₹60,000 തട്ടാൻ ശ്രമിച്ച സംഭവത്തിൽ, ഷാജിയുടെ ഭാര്യ ഭയപ്പെട്ടു ബന്ധുക്കളെ വിവരമറിയിച്ചു.
അവരുടെ സഹായത്തോടെ പണം കൈമാറാൻ തയ്യാറാണെന്ന് പറഞ്ഞ് പ്രതികളെ പൂവച്ചൽ-ആലമുക്ക് പ്രദേശത്തേക്ക് വിളിച്ചു വരുത്തുകയും, സ്ഥലത്തെത്തിയപ്പോഴെല്ലാം നാട്ടുകാർ പ്രതികളെ ചേർന്ന് പിടികൂടി കാട്ടാക്കട പൊലീസിന് കൈമാറി.
ഹണി ട്രാപ്പ് ഉപയോഗിച്ചുള്ള ക്രിമിനൽ തട്ടിപ്പ് സംഭവമായതിനാൽ, കൂടുതൽ പ്രതികൾക്കോ മറ്റുസംഘങ്ങളോ ഇതിന് പിന്നിലുണ്ടോ എന്നതിനെക്കുറിച്ച് കാട്ടാക്കട പൊലീസ് വിശദമായ അന്വേഷണം ആരംഭിച്ചിട്ടുണ്ട്.
.png)
