പാലോട് : കോവിഡ്-19 പശ്ചാത്തലത്തില്‍ പാലോട് സ്റ്റേഷൻ പരിധിയിൽ ഇന്നലെ ഉച്ചക്ക് 12.00 മണിയോടെ പെരിങ്ങമല ഗാർഡർ സ്റ്റേഷന് സമീപം വച്ച് പോലീസ് വാഹന പരിശോധന നടത്തുന്നതിനിടെ ജീപ്പിൽ കടത്തിയ വ്യാജചാരായം പിടികൂടി.
ജീപ്പിൽ കടത്തിക്കൊണ്ടുവന്ന 2.75 ലിറ്റർ ചാരായവും ജീപ്പും കസ്റ്റഡിയിൽ എടുത്തു. ചാരായം കടത്തിയ 2 പേരെ പോലീസ് അറസ്റ്റ് ചെയ്തു. തെന്നൂർ വില്ലേജിൽ ഞാറനീലി കാവുവിള വീട്ടിൽ രജികുമാർ (57), ഞാറനീലി ജെ ഭവനിൽ ശിവകുമാർ (42) എന്നിവരെയാണ് അറസ്റ്റ് ചെയ്തത്. പ്രതികളെ കോടതിയിൽ ഹാജരാക്കി. പാലോട് ഇൻസ്പെക്ടർ സി.കെ മനോജ്, എസ്.ഐ സതീഷ് കുമാർ ജി.എസ്.ഐ ഇർഷാദ്, എസ്.സി.പി.ഒമാരായ നവാസ്, ബിജു, വിനീത് എന്നിവരടങ്ങിയ സംഘമാണ് പ്രതിയെ പിടികൂടിയത്..
