കാട്ടാക്കട: വളയാർ കേസ് അട്ടിമറിച്ച പിണറായി സർക്കാരിനെതിരെയും ,കേസ് സി.ബി.ഐ അന്വേഷിക്കണമെന്ന് ആവശ്യപ്പെട്ടും വാളയാറിലെ സഹോദരിമാർക്ക് നീതിക്കായും പൂവച്ചൽ മണ്ഡലം കോൺഗ്രസ് കമ്മിറ്റി പ്രതിക്ഷേധ ജ്വാല സംഘടിപ്പിച്ചു.
മുളമൂട് നിന്ന് പ്രകടനമായി ആരംഭിച്ച് പൂവച്ചൽ ജംഗ്ഷനിൽ പ്രതിക്ഷേധ ജ്വാല തെളിയിച്ചു. മണ്ഡലം കോൺഗ്രസ് കമ്മിറ്റി പ്രസിഡൻറ് സത്യദാസ് പൊന്നെടുത്തകുഴി അധ്യക്ഷനായിരുന്നു.
ജില്ലാ കോൺഗ്രസ് കമ്മിറ്റി ജനറൽ സെക്രട്ടറി എം.ആർ ബൈജു ജ്വാല ഉദ്ഘാടനം ചെയ്തു. ബ്ലോക്ക് കോൺഗ്രസ് കമ്മിറ്റി പ്രസിഡന്റ് സി.ആർ ഉദയകുമാർ ,ആർ.എസ് സജീവ് ,ജെ.ഷാഫി, എ.സുകുമാരൻ നായർ ,കട്ടക്കോട് തങ്കച്ചൻ ,ആർ.രാഘവലാൽ ,എസ്.എം സെയ്ദ് ,സുരേന്ദ്രൻ നായർ എന്നിവർ സംസാരിച്ചു.
