തിരുവനന്തപുരം : കൊറോണ(കോവിഡ് 19) വൈറസ് ബാധയുടെ വ്യാപനം തടയുന്നതിന് സംസ്ഥാന സര്ക്കാര് പുറപ്പെടുവിച്ച മാര്ഗനിര്ദ്ദേശങ്ങളുടെ അടിസ്ഥാനത്തില് ജാഗ്രതയോടെ മുന്കരുതല് നടപടികള് സ്വീകരിക്കാൻ വകുപ്പ് മേധാവികള്ക്ക് നിര്ദ്ദേശം നല്കി.
ഈ മാസം നടത്താനിരുന്ന നിര്മ്മാണതൊഴിലാളി ക്ഷേമനിധി സെസ് അദാലത്ത് ഏപ്രില് മാസത്തേക്ക് മാറ്റിയിട്ടുണ്ട്. ആവാസ് പദ്ധതിയിലെ രജിസ്ട്രേഷന് പ്രവര്ത്തനങ്ങള് മാര്ച്ച് 31 വരെ നിര്ത്തിവെച്ചു.
എക്സൈസിലും ബിവറേജസ് ഔട്ട്ലെറ്റിലും ജീവനക്കാര്ക്ക് മാസ്ക്
ബിവറേജസ് കോര്പറേഷന്റെ കീഴിലുള്ള എല്ലാ ഔട്ട്ലെറ്റുകളിലും ജീവനക്കാര്ക്ക് മാസ്കുകളും ഗ്ലൗസുകളും മറ്റ് അനുബന്ധസാമഗ്രികളും വിതരണം ചെയ്യുന്നതിന് അടിയന്തരനടപടിയെടുക്കാന് ബിവറേജസ് കോര്പറേഷന് മാനേജിംഗ് ഡയറക്ടര്ക്ക് നിര്ദ്ദേശം നല്കിയിട്ടുണ്ട്.
ചെക്ക് പോസ്റ്റുകളിലും സ്ട്രൈക്കിംഗ് ഫോഴ്സ് ഡ്യൂട്ടിയിലും എന്ഫോഴ്സ്മെന്റ് പ്രവര്ത്തനങ്ങളിലും ഏര്പ്പെട്ടിട്ടുള്ള എല്ലാ എക്സൈസ് ഉദ്യോഗസ്ഥര്ക്കും മാസ്കുകളും ഗ്ലൗസും മറ്റ് അനുബന്ധ സാമഗ്രികളും ലഭ്യമാക്കും.
വ്യവസായ-വാണിജ്യ-സേവന മേഖലകള് ഉള്പ്പെടെ എല്ലാ തൊഴിലിടങ്ങളിലും മതിയായ മുന്കരുതലും ജാഗ്രതയും ഉറപ്പുവരുത്തുന്നതിനാവശ്യമായ നടപടികള് കൈക്കൊള്ളാന് ലേബര് കമ്മീഷണണറോടും നിര്ദ്ദേശം നൽകി.
