കാട്ടാക്കട: സംസ്ഥാന മൗണ്ടനീയറിങ് അസോസിയേഷന്റെ സംസ്ഥാന ചാമ്പ്യൻഷിപ്പ് മത്സരങ്ങൾ നെയ്യാർഡാമിൽ ആരംഭിച്ചു. ചിമ്മിനി, മൗണ്ടൻ ക്രോസിംഗ്, ക്ലൈംബിങ്, റാപ്പലിങ്, ട്രക്കിങ്, റിവർ ക്രോസിംഗ് തുടങ്ങി 14 സാഹസീക ഇനങ്ങളുടെ മത്സരങ്ങൾ നടക്കുക. വിവിധ ജില്ലകളിൽ നിന്നും പെൺകുട്ടികൾ ഉളപ്പടെ 120 തോളം പേർ പങ്കെടുക്കുന്നു.
രാജ കുടുംബാംഗം ഗൗരി പാർവതീഭായി ചാമ്പ്യൻഷിപ്പ് ഉദ്‌ഘാടനം ചെയ്തു. അസോസിയേഷൻ സംസ്ഥാന പ്രസിഡന്റ് അഡ്വ.വിജയൻ അധ്യക്ഷനായി. അസോസിയേഷൻ സ്ഥാപകനായ കേണൽ ഗോദവർമ രാജയുടെ കീഴിൽ പരിശീലനം നേടിയ മുതിർന്ന പൗരന്മാരായ പി.സുരേന്ദ്രബാബു, എം.സോമൻ നായർ, റോബിൻസൺ എന്നിവരെ ചടങ്ങിൽ ആദരിച്ചു.
ജില്ലാ സ്പോർട്സ് കൗൺസിൽ നോമിനി ഗോപകുമാർവർമ, അസോസിയേഷൻ സംസ്ഥാന സെക്രട്ടറി ബി.വി.അജിത് ലാൽ, കായിക അധ്യാപക സംഘടന പ്രസിഡന്റ് ജോഡിറ്റ് മോൻ ജോൺ, പഞ്ചായത്തംഗം ശശീന്ദ്രൻ, അസോസിയേഷൻ ജില്ലാ പ്രസിഡന്റ് സുധീർ തുടങ്ങിയവർ സംസാരിച്ചു.
