കഴക്കൂട്ടം : ഓണാഘോഷത്തോടനുബന്ധിച്ച് ഓണം സ്പെഷ്യൽ ഡ്രൈവിന്റെ ഭാഗമായി നടത്തിയ പരിശോധനയിൽ കഞ്ചാവുമായി യുവാവ് എക്സൈസ് പിടിയിൽ. മേനംകുളം സ്വദേശി രാഹുൽ(23) ആണ് പിടിയിലായത്. ഇയാളുടെ കയ്യിൽ നിന്ന് 1.150 കിലോഗ്രാം കഞ്ചാവ് പിടിച്ചെടുത്തു.
ഇന്നലെ രാവിലെ 11.30ന് പുത്തൻതോപ്പ് പി.എച്ച്.സിക്ക് സമീപത്ത് വെച്ചാണ് ഇയാൾ പിടിയിലാകുന്നത്. കുറ്റവാളിയെ കൈമാറാൻ വന്ന മറ്റൊരു പ്രതി പെരുമാതുര നിസാർ എക്സൈസ് സംഘത്തെ കണ്ട് സ്ഥലത്ത് നിന്ന് ഓടി രക്ഷപ്പെട്ടു. കുറ്റാരോപിതനായ രാഹുലിന്റെ പ്രവൃത്തികളെക്കുറിച്ച് പൊതുജനങ്ങളിൽ നിന്നും പഞ്ചായത്ത് അധികൃതരിൽ നിന്നും ധാരാളം പരാതികൾ ലഭിച്ചിരുന്നു.
എക്സൈസ് സംഘത്തിന്റെ ധീരമായ ശ്രമത്തെത്തുടർന്ന് ഇയാളെ പിടികൂടുകയും സിഇഒ സുബിന് പരിക്കേൽക്കുകയും ചെയ്തു. പരിക്ക് അത്ര ഗുരുതരമല്ല. കഴക്കൂട്ടം റേഞ്ച് ഇ.ഐ പ്രതീപ് റാവു, എഇഐ മുകേഷ് കുമാർ എന്നിവരുടെ നേതൃത്വത്തിൽ പി‌ഒ‌എസ് ഹരികുമാർ, തോമസ് സേവ്യർ ഗോമസ്, സി‌ഇ‌ഒ‌എസ് ജസീം, സുബിൻ, രാജേഷ്, ഷംനാദ്, വിപിൻ, സ്മിത, ഡ്രൈവർ സുനിൽ കുമാർ എന്നിവർ ചേർന്നാണ് പ്രതിയെ അറസ്റ്റ് ചെയ്‌തത്‌.
.png)
