കഴക്കൂട്ടം: മൊബൈൽ മോഷണകേസുകളിൽപ്പെട്ട് ജയിലായ ശേഷം ജാമ്യത്തിലിറങ്ങി വീണ്ടും മോഷണം നടത്തുന്നതിനിടിൽ പിടിയിലായി. ചിറയിൻകീഴ്. കിഴുവിലം. പറയത്തുകോണം. കടുവാക്കരകുന്ന് റോഡരികത്ത് വീട്ടിൽ ബാബുവാണ് (48) പൊലീസിന്റെ പിടിയിലായത്.
ജാമ്യത്തിൽ ഇറങ്ങിയ പ്രതി കോടതിയിൽ ഹാജരാകാതെ ഒളിവിൽ പോകുകയും തുടർന്ന് മോഷണം നടത്തിവരവേയാണ് പോലീസിന്റെ പിടിയിലാകുന്നത്. സൈബർ സിറ്റി അസിസ്റ്റന്റ് കമ്മീഷണർ എ. അനിൽ കുമാറിന്റെ നേതൃത്വത്തിൽ കഴക്കൂട്ടം പൊലീസ് സ്റ്റേഷൻ ഇൻസ്‌പെക്ടർ എസ്. എച്ച്. ഒ ജെ. എസ് പ്രവീൺ , എസ് ഐ മാരായ സന്തോഷ്‌കുമാർ, എ.എസ്.ഐമാരായ ജസ്റ്റിൻ മോസസ്, ബിജു. കെ. കെ, സി. പി. ഒ മാരായ അർഷാദ് ,സുജിത്ത് എന്നിവരങ്ങിയ സംഘമാണ് പ്രതിയെ അറസ്റ്റ് ചെയ്തത്.
