ആനാട്: കുടുംബവഴക്കിനെ തുടർന്ന് ഭാര്യ കിണറ്റില്‍ ചാടുന്നത് കണ്ട ഭര്‍ത്താവ് വിഷം കഴിച്ച് ആത്മഹത്യക്ക് ശ്രമിച്ചു. ജീവന് വേണ്ടി മല്ലിട്ട രണ്ടുപേരെയും രക്ഷിച്ചത് ഫയര്‍ഫോഴ്സ്. മകളാണ് ഫയര്‍ഫോഴ്സിനെ വിളിച്ചത്. നെടുമങ്ങാട് ആനാട് പനയമുട്ടത്താണ് സംഭവം.
ഭര്‍ത്താവുമായുള്ള കലഹം മൂര്‍ച്ഛിച്ചതിന് പിന്നാലെ ഭാര്യ വീട്ടുവളപ്പിലെ കിണറ്റിലേക്ക് ചാടിയത്. ഇത് കണ്ട ഉടനേ ഭര്‍ത്താവ് വീട്ടില്‍ സൂക്ഷിച്ചിരുന്ന കീടനാശിനി എടുത്ത് കഴിക്കുകയായിരുന്നു.
വീട്ടുമുറ്റത്ത് അബോധാവസ്ഥയില്‍ കിടന്ന ഭര്‍ത്താവിനെ ഫയര്‍ഫോഴ്സ് നെടുമങ്ങാട് ആശുപത്രിയിലെത്തിച്ചു. 70 അടിയിലേറെ ആഴമുള്ള കിണറ്റില്‍ വീണ ഭാര്യയെ ഏറെ നേരത്തെ പരിശ്രമത്തിന് ശേഷമാണ് ഫയര്‍ഫോഴ്സ് കരയ്ക്ക് കയറ്റാനായത്. ഇരുവരെയും മെഡിക്കല്‍ കോളേജിൽ ചികിത്സയിലാണ്.
