തിരുവനന്തപുരം : കുപ്രസിദ്ധ ബുള്ളറ്റ് മോഷ്ടാവ് സെബിന്സ്റ്റാൻലിൻ തമ്പാനൂർ പോലീസ് സ്റ്റേഷനിൽ നിന്നും ചാടി പോയി. മാറനല്ലൂർ സ്വദേശി സെബിൻ സ്റ്റാൻലിൻ (28) ആണ് ചാടി പോയത്. ഇന്നു ഉച്ചക്കാണ് സംഭവം. ഇയാളുടെ പേരിൽ 20തിൽ അധികം മോഷണ കേസുകൾ ഉണ്ട് .
എസ്.ഐ യുടെ അനാസ്ഥയാണ് കുപ്രസിദ്ധ മോഷ്ടാവ് സ്റ്റേഷനിൽ നിന്നും ചാടി പോയതെന്നാണ് ആക്ഷേപം. അതെ സമയം നിരവധി കേസിൽ പ്രതിയായ സ്റ്റാലിനെ ദിവസങ്ങൾക്ക് മുമ്പാണ് ഷാഡോ വിഭാഗം അതി സാഹസികമായി പിടികൂടി തമ്പാനൂർ പൊലീസിന് കൈമാറിയത്. എന്നാൽ എസ് ഐ യുമായി മുൻ പരിചയമുള്ള പ്രതി ഈ പരിചയം മുതലാക്കിയാണ് കസ്റ്റഡിയിൽ നിന്നും രക്ഷപ്പെട്ടതായാണ് ആക്ഷേപം.
കസ്റ്റഡിയിൽ എടുത്ത പ്രതിയെ ലേക്കപ്പിൽ ഇടരുതെന്ന് എസ് ഐ നൽകിയ നിർദ്ദേശമാണ് പ്രതിക്ക് രക്ഷപ്പെടാൻ അവസരം ഒരുക്കിയതെന്ന് സൂചനയുണ്ട്.
