കാട്ടാക്കട : പത്തനംതിട്ടയിൽ നിന്നും പതിനഞ്ചു ദിവസം മുൻപ് എത്തിയ കാട്ടാക്കട അമ്പലത്തിൻകാല സ്വദേശി മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ മരിച്ചു. കാട്ടാക്കട അമ്പലത്തിൻകാല സുരേഷ് ഭവനിൽ ജയകുമാർ ശ്രീകുമാരി ദമ്പതികളുടെ മകൾ ദിവ്യ (24) ആണ് മരിച്ചത്.
പനിയെ തുടർന്ന് മെഡിക്കൽ കോളേജിൽ ചികിത്സയിലിരിക്കെ ബുധനാഴ്ച ഉച്ചയോടെ മരണം സംഭവിക്കുകയായിരുന്നു. ഫെബ്രുവരിയിൽ ആണ് ദിവ്യ പനി ബാധിച്ചു നാട്ടിൽ എത്തിയത്. തുടർന്ന് സാമൂഹ്യ ആരോഗ്യ കേന്ദ്രത്തിലും കണ്ടാല സഹകരണ ആശുപത്രിയിലും പ്രവേശിപ്പിച്ചു
ചികിത്സ നടത്തി തുടർന്ന് വീട്ടിൽ എത്തി നില വീണ്ടും വഷളായി ഇതിനിടെ ജനപ്രതിനിധികൾ ഇടപെട്ട് ജനറൽ ആശുപത്രിയിലും തുടർന്ന് മെഡിക്കൽ കോളേജിലും പ്രവേശിപ്പിച്ചു. പ്രത്യേക സാഹചര്യത്തിൽ ശ്രവ പരിശോധന ഉൾപ്പടെ നടത്തിയിട്ടുണ്ട് ഇതു നെഗറ്റീവ് ആണ്. മരണം സംഭവിച്ചതോടെ ശ്രവ പരിശോധനക്കായി വീണ്ടും സാമ്പിൾ എടുത്തതായി ആരോഗ്യ വകുപ്പ് പറയുന്നു. ഇതിനു ശേഷം മാത്രമേ മൃതദേഹം ബന്ധുക്കൾക്ക് വിട്ടു നൽകു.വിദ്യ സഹോദരിയാണ്.
