തൊടുപുഴ : ഈസ്റ്റ് മാറാടി ഗവൺമെന്റ് വി.എച്ച്.എസ് സ്കൂളിൽ ഹിന്ദി ക്ലബിന്റെ നേതൃത്വത്തിൽ പ്രേം ചന്ദ് ദിനം വിവിധ പരിപാടികളാൽ ആഘോഷിച്ചു. 139-ാം ജന്മദിനം ബി.ആർ.സി ക്ലസ്റ്റർ കോർഡിനേറ്റർ സിജി ബാലാജി ഉദ്ഘാടനം ചെയ്തു.
ഹെഡ് മാസ്റ്റർ സജികുമാർ കെ. കാവിൽ, ബി.ആർ.സി. ക്ലസ്റ്റർ കോർഡിനേറ്റർ ജയശ്രീ, സീനിയർ അസിസ്റ്റന്റ് ശോഭന എം.എം., അധ്യാപകരായ ഗ്രേസി കുര്യൻ, ഷീബ എം. ഐ., പ്രീന ജോസഫ്, ഷീന ബഷീർ, എന്നിവർ ആശംസകളർപ്പിച്ച് സംസാരിച്ചു. ക്വിസ് മത്സരം, പ്രേംചന്ദിന്റെ രചനകളെ പരിചയപ്പെടുത്തുന്ന ചാർട്ട് പ്രദർശനം മുതലായവയും ഉണ്ടായിരുന്നു.
വിദ്യാർത്ഥിനിയായ നന്ദന പ്രേം ചന്ദിന്റെ ജീവചരിത്രം പരിചയപ്പെടുത്തി. ഹിന്ദി ക്ലബ് അംഗങ്ങളായ അനഘ കെ. എസ്. സ്വാഗതം ആശംസിച്ചു. വൈഷ്ണവ് ബിനു നന്ദി രേഖപ്പെടുത്തി. ഹിന്ദിക്ലബ് കോർഡിനേറ്റർ ഗിരിജ എം.പി. നേതൃത്വം നൽകി.
