വെമ്പായം : കേസിലെ തൊണ്ടി മുതല്‍ എടുക്കാന്‍ എത്തിയ സി.ഐയെ കേസിലെ പ്രതി വെട്ടി പരുക്കേല്പിക്കാൻ ശ്രമിച്ച പ്രതി പിടിയിൽ. കല്ലമ്പലം സി. ഐ അനൂപ്. ആർ. ചന്ദ്രനെയാണ് ആക്രമിയ്ക്കാൻ ശ്രമിച്ചത്. വെമ്പായം ചിറത്തലയ്ക്കൽ ഷഹാന മൻസിലിൽ ഷമീർഷ (31)ആണ് സി ഐ യെ ആക്രമിച്ചത്. ഇന്നലെ വൈകുന്നേരം 7.00 മണിയോടെയാണ് സംഭവം.
കല്ലമ്പലത്തു നടന്ന ഒരു വധക്കേസിന്റെ കേസിന്റെ തൊണ്ടിമുതലായ ബൈക്ക് എടുക്കുവാനായാണ് കല്ലമ്പലം സി. ഐയും സംഘവും വെമ്പായത്തുള്ള ഷമീർഷായുടെ വീട്ടിലെത്തിയത്. പോലീസിനെ കണ്ട ഷമീര്‍ഷാ സി.ഐയുടെ കഴുത്തിനു നേരെ വെട്ടുകത്തി ഉപയോഗിച്ചു വീശുകയായിരുന്നു. സി.ഐയുടെ കഴുത്തിനും കൈക്കും പരുക്കേറ്റു. നിസാര പരിക്കേറ്റെങ്കിലും പോലീസ് പ്രതിയെ കീഴടക്കി. ആക്രമണത്തില്‍ പരുക്കേറ്റ സി.ഐയെ കന്യാകുളങ്ങര ആശുപത്രിയിലേക്ക് കൊണ്ട് പോയി.
